Tirƙashi Tinubu Zai Sake Ciwo Bashin Bankin Duniya.
Bashin Najeriya Ya Kai Tiriliyan 166.79 Yayin Da Gwamnatin Tinubu Ke Neman Sabon Bashin Dala Biliyan 1.5 A Bankin Duniya
Gwamnatin Tarayya ta fara tattaunawa da Bankin Duniya don neman sabbin basuka guda uku da suka kai Dala Biliyan 1.5, kamar yadda jaridar Punch ta ruwaito a yau.
Wannan na zuwa ne a daidai lokacin da Hukumar Kula da Bashi ta Kasa (DMO) ta bayyana cewa jimillar bashin da ake bin Najeriya ya haura zuwa *Naira Tiriliyan 166.79* a karshen watan Yuni, 2026.
Menene Sabon Bashin Zai Yi?
A cewar takardun da Punch ta gani daga Bankin Duniya, an kasa bashin gida uku kowane daya Dala Miliyan 500:
1. ACReSAL - $500m: Domin yaki da zaizayar kasa, ambaliya da rashin ruwa a jihohin Arewa 19 da Abuja. An shirya Bankin Duniya zai amince da shi a ranar 29 ga Oktoba, 2026.
2. HOPE-SP - $500m: Domin tallafin marasa galihu da rage talauci.
3. Ilimin Yara - $500m: Domin ci gaban kananan yara.
Ma'aikatar Muhalli ce za ta aiwatar da aikin na farko, kuma kudin zai fito ne daga IDA, sashen Bankin Duniya da ke bayar da bashi mai saukin biya.
Me Hakan Ke Nufi Ga Talaka?
A halin yanzu, bashin Najeriya ga Bankin Duniya kadai ya kai Dala Biliyan 20.73, wanda shine kashi 38% na dukkan bashin waje.
Masana tattalin arziki na cewa idan aka yi amfani da bashin daidai, manoman Arewa za su amfana. Amma idan aka sakace, zai kara nauyi a kan al'umma.
Majiya: Punch Newspaper , World Bank.
Allah Ya Kyauta
0 Comments